Transcription
1
Monsieur, je vous ay depeché ce laquais present pourteur
2
pour savoir de vous novelles, vous supplient bien humblement men
3
voulloir fère par coupt à celles que je vous puis escripre ; n’est
4
oultre chose sy ne[s]t que depuis que je vous ay escript, jay
5
seu commant la dame don mavez escript par cy devant estoit
6
en dellyberassion de sen aller en Savoie et pour cest efet a
7
fet vandre ses blez et vinz et quelle sen aloit à cause
8
de quelque biens quelle at où on ne la veut paier
9
sy elle ny vat , et qu’il[s] le veullent voir car y disent
10
quelle est morte. La contesse a dit à quelcung quelle y
11
feut dega [viz : déjà] mais que monseigneur le duc de Savoie
12
ne la voullu et celluy mesme luy respondit quelle
13
y avoit mys la main, à coit elle ne fit nulle responsse.
14
Voilla tout ce que jen ay peu apprendre ; et quelles aien
15
quelques amytiés intellygences, je ne lay peu decovrir,
16
pourcoit sy vous navez aultres maillieurs avix que
17
ceux que jay peu avoir. Je ne puis encaure entres
18
en trot grand craintte de ce cartier, toutesfois je ne suis
19
davix de sy fier que bien à point. Jay donné charge à leurs
20
voysin de sy donné guarde pour ceste raison et sy n’y
21
a aultre chose que ce que je vois et que je ne vous
22
puisse fère servisse, je acheverois vonllontier le
23
[20B]
24
voiage que jay à fère vers monseigneur le duc de
25
Nemours don je vous ay parlé et escrit. Mais sy je
26
puis fère quelque servisse à vous et au païs, je retarderay
27mondit voiage tant quil vous plera, [barré : et ] ou que jaie aultre
28
noveau comandemant de mondit seigneur de Nemours
29
duquel je maseure quil [mot barré] ne troverra mauvays
30
mon retardemant, estant fondé sus bonne cause. Pourcoit
31
je me dellybère de fère ce quil vous plera me
32
comander et de for bon ceur, duquel je me recommande
33
très humblemant à votre bonne grace, prien Dieu,
34
monsieur, vous donner en très bonne santé
35
très bonne vye et longue. En votre maison à Lens,
36
le [blanc]
37
Votre très humble serviteur
38
Lestang